NICOLAS ALUSTIZAK (LABORAL KUTXA) SEGURAN IRABAZI DU

LABORAL Kutxa-Euskadi Fundazioak podiumeko bere helburuei eusten die eta taldekako lider izaten jarraitzen du Emakumezkoen Andaluziako Itzuliaren (2.1) laugarren eta azkenaurreko etapa, Pizarra-Mijas, 111,5 kilometro ospatuta.

Marta Romeuk atzo lortutako garaipen historikoaren ondoren, euskal taldeak ezin izan du oraingoan etapa irabazteko lehian sartu. Eta ez da izan ez saiatzeagatik. Ion Lazkanoren neskak ederki saiatu dira etapan zehar erasotzen, baita tropelaren buruan ere. Maldan gorako helmugan (500 metro % 4,5ean), ordea, bi txirrindularik ihes egin dute eta Sara Martin (MOV) erdietsi du saioa. Zazpi segundora tropela sartu da Debora Silvestri bederatzigarren eta Marta Romeu 15. sailkaturik.

Sailkapen nagusian, Romeu laugarren da eta Silvestri bosgarren, podiumetik sei eta bederatzi segundora, hurrenez hurren. Tamara Dronova (ISR) liderra da. Taldeka, LABORAL Kutxak lehen postuan jarraitzen du, azken jardunaldiaren faltan. Igandean bosgarren eta azken etapa jokatuko da, Estepona - Castellar de la Frontera, 95,6 kilometro eta Hacho de Gaucín mendateak (1., 28,2 km), 8,6 km % 6,2an, lasterketa hautsi dezake, helmugatik urrun dagoen arren.

NICOLAS ALUSTIZA GARAILE SEGURAN

LABORAL Kutxa amateur taldeak bere denboraldi bikaina berretsi du beste garaipen batekin: oraingoan, Nicolas Alustizarena Segurako San Juan Sari Nagusian, Euskaldun Txapelketan eta 131 kilometrokoa Liernia (3. mailakoa) sei aldiz eta Zerain (3. mailakoa), helmugatik 5,4 kilometrora azken hori, igota. Buruan nagusitasunez, Alustizak talde osoaren lana burutu du helmugako erripan eta garaipena lortu du, hirugarrena gipuzkoarrarentzat Durana eta Iturmendin irabazi baitzuen; Iñaki Diaz hirugarren izan da, Unai Zubeldia laugarren, Ailetz Lasa zazpigarren eta Aitor Agirre hamaikagarren, berriz ere sailkatutako talderik onena izanik.

Igandean, Irunen ospatuko da San Pedro Sari Nagusia, Euskaldun Txapelketakoa eta Gipuzkoako Txapelketa, 143,7 kilometro bigarren zati oso menditsuarekin, Basakabiko (2.), Agiña (1.), Aritxulegi (2.), Gurutze (3.) eta Olaberria (3.) mendateekin, helmugatik 5,5 kilometrora azken hori. Imanol Aceña, Nicolás Alustiza, Asier Castilla, Iñaki Díaz, Ander Ganzabal, Luis García, Ander López, Iker Mintegi, Iñaki Murua, Jaime Romero, Iker Trigo eta Unai Zubeldia dira lehiatuko diren txirrindulariak.