Euskaltel-Euskadi hiru klasikotan lehiatuko da, Frantzian eta Belgikan, bere denboraldiari amaiera emateko: Tour de Vendée, urriaren 1ean, igandean; Binche-Chimay-Binche, urriaren 3an, asteartean; eta Paris - Bourges, urriaren 5ean, ostegunean.

Enekoitz Azparren, Xabier Mikel Azparren, Xabier Berasategi, Unai Cuadrado, Peio Goikoetxea, Andoni López de Abetxuko eta Gotzon Martín dira ospe handiko hiru klasiko hauek, bost egunetan, lehiatuko diren zazpi txirrindulari laranjak.

Pello Olaberria, Euskaltel-Euskadiko kirol zuzendaria: "Azken hiru lasterketa hauei gogo biziz egingo diegu aurre, are gehiago Adriatika itzuliaren etenaldiaren ustekabekoaren ondoren. Taldea sasoiko zen. Hiru klasiko hauentzat oso multzo ona daukagu, beraz. Hain zuzen ere, Gotzonek, Berasategik eta Abetxukok oso emaitza onak lor ditzakete. Uste dut talde lehiakor bat daukagula. Gogotsu eta motibatuta goaz, taldea Langkawin egiten ari dena ere ikusita, agian guretzat ibilbide onenak ez diren arren. Batez ere, denboraldia ondo eta zapore onarekin amaitu nahi dugu.

Agian guretzat onena Vendeerena da, gogorrena baita, baina ez da beste urte batzuetan bezain zorrotza. La Binche maila handiko lasterketa da, iaz Laportek irabazi zuen, azken zirkuituarekin, bost itzulirekin eta harbideekin. Hemen Xabier Mikelek ere bere aukera izan dezake. Eta Paris-Bourges lauagoa da, esprintean erabakitzeko".

Igandean (12:15), Vendéeko Tourrak (1.1, Frantzia) profil zorrotzena izango du, 207,1 kilometro Mouilleron St Germainetik La Roche sur Yonera, eta azken zirkuituan erabakiko da. Asteartean (11:45), Binche-Chimay-Binche/Mémorial Frank Vandenbroucke (1.1, Belgika) lasterketak 198,6 kilometro ditu eta harbideak ditu amaieran. Azkenik, ostegunean (12:40), Paris-Bourges (1.1, Frantzia) klasikoak 193,3 kilometroko ibilbide laua izango du.