Euskaltel-Euskadi taldeak Italiako bost klasikoetatik hiru burutu ditu zortzi egunetan lehiatuta. Xabier Berasategi eta Jon Agirre izan dira bi txirrindulari laranja nabarmenenak.
Xabier Berasategi onenengandik gertu aritu zen zen Industria & Artigianato Sari Nagusian (1.Pro), 14. helmugan, igandean, eta 37. postua eskuratu du Coppa Sabatinin (1.Pro), berriz ere lasterketako bigarren multzoan, ostegunean ospatutako proban. Jon Agirre eguneko ihesaldian izan da, eta 22. izan zen Toscanako Giroan, asteazkenean. Isaac del Toro (UAD) irabazi ditu hiru probak.
Jon Agirre, Nicolas Alustiza, Xabier Berasategi, Mikel Bizkarra, Ander Ganzabal, Txomin Juaristi, Jordi Lopez, Jokin Murguialday, Louis Sutton eta Unai Zubeldia dira Italiako bira honetan lehiatzen ari diren hamar txirrindulari laranjak, Ruben Perezen kirol zuzendaritzapean.
Pantani Oroimenezkoa (1.1), larunbatean, eta Matteotti Saria (1.1), igandean, hurrengo bi lasterketak dira euskal taldearentzat Italiako lurraldeetan.
